د پشکال باران
چې کله ګرمي خپل حد ته ورسي ، نمر یو
څو نېزې راښکته شي، د خولو تګ لکه د اوبو روان شي ، هر اړخ ته خولې خولې وي او نمر
لکه د سور تړک پړقېږي ـ د سړک نه هم د ګرمۍ له کبله لوګے او تپ راخېژي نو دا د پشکال موسم وي ـ د جېټ هاړ د ګرمۍ
نه وروستو د پشکال نمبر شي ـ دا ځل کله د تېر کال په شان ګرمي ښه په تېزۍ سره
راغلې ده او خپل زور ښايي لګیا ده ـ خصوصاً د پېښور ګرمي د برداشت نه بهر وي ـ
خو که شپه ډېره هم اوږده شي آخر
سحر راځي ـ هم دغه شان د دې ګرمۍ نه وروستو د پشکال موسم کښې بارانونه شروع شي او
د ګرمۍ زور ورو ورو په کمېدو شي چې آخر ختم شي ـ خو ګرمي هم په دوه قسمه وي ، یعني
ظاهري او باطني ـ ظاهري د باران او باطني د انسان د خپل عمل او نیت سره تعلق لري ـ
خېر
د پشکال سره هم ظاهري ګرمي ختمېږي خو ولې دغه باران کله رحمت شي او کله زخمت ـ لکه
زمونږ د نن سبا د لېډرانو .............................. پښتون په هر دور کښې
بدلون غواړي ځکه چې هغه په یو حالت کښې هم خوشحاله نه وي او د ښه نه ښه په تکل کښې
خپل ټول ژوند اکثر په بدو ورځو کښې تېر کړي ـ د تېرو ټول ټاکنو مثال هم د پشکال د
هغه باران و چې پښتنو ترې د خېر طمع کوله او داسې مشران يې خوښ کړل چې تر اوسه يې
د هغوي د اسمان نه د زحمت یا د رحمت باران لا نه دے لیدلے ځکه چې هغوي ته تر اوسه پورې اسمان نه و ملاؤ شوے ـ په تېر حکومت کښې د قام پرست ګوند ناکامي د پښتون د
هغه سوچ عکاسي کوي چې دوي د تېر حکومت نه مطمئن نه وو ـ او د بدلون په نعره يې د
یقین دايره د خپلو ذهنونو نه راتاؤ کړې ده خو اوس سوال دا پېدا کېږي چې د پشکال دا
باران به څنګه وي ...............................................؟
د نن پښتون د خپل مشر په تکل کښې
سرګردانه دے خو
غواړي هم چې خپل مشر پخپله وټاکي ځکه يې دا لویه فېصله (بلکې خطره)
پخپل سر وکړه ـ او لا په دې سوچ کښې دے چې د پشکال دا باران چې مونږ پخپله د خپلې ګرمۍ ختمولو
دپاره اووروو ، به زمونږ دپاره د رحمت وي او که د زحمت ـ
0 comments:
Post a Comment